Шангај се враќа во нормала, вработените од среда на работа

Властите во Шангај ќе укинат многу од рестриктивните услови за компаниите за да можат да продолжат со работа од среда, изјави денеска заменик-градоначалникот Ву Кинг.

Со намалување на карантинските мерки во целиот град поради корона вирусот се започна пред околу два месеци, а ќе се воведе и поддршка за загрозената економија, објави Ројтерс.

Кинескиот комерцијален центар Шангај извести за остар пад на својата економија минатиот месец, бидејќи беа воведени строги ограничувања и блокади поради појавата на ковид-19, што влијаеше на производството во секторите за малопродажба и недвижнини.

Градската влада сега ќе ги ревидира упатствата за спречување на епидемијата и контрола на враќањето, ќе ги отстрани неразумните ограничувања за продолжување на работата и производството за компаниите и ќе ја отстрани „белата листа“, рече Квинг на брифинг со новинарите.

Градските власти рекоа дека мерките за зајакнување на економијата имаат за цел да им помогнат на бизнисите и да ја промовираат потрошувачката.