Што треба да знаеме за привремените вработувања?

Привремените вработувања агенцијата за привремени вработувања ги врши врз основа на претходно склучен договор за отстапување на работник меѓу агенцијата за привремени вработувања и друг работодавач корисник и договор за вработување склучен меѓу агенцијата за привремени вработувања и работникот кој се отстапува на друг работодавач корисник.

Условите за работa и вработување на привремените агенциски работници кои ќе бидат исполнети за времетраењето на нивното отстапување кај работодавачот корисник, се исти како оние услови кои би се обезбедувале доколку работниците би биле вработени директно од страна на истиот работодавач за извршување на истата работа.

Како и регуларно вработените, одредбите од прописите за работните односи, прописите за безбедност и здравје при работа и прописите за еднаквиот третман на жените и мажите што се однесуваат за заштита на жените за време на бременост, раѓање, родителство и нега на дете, заштита на децата и младите лица се однесуваат и на отстапените агенциски работници.

Тимот на Јуридика