ПравдаСветот на работникот

20 % помала плата за вонредните амбасадори и конзули на Македонија за април и мај

   Време за читање помалку од минута

На денешната седницата беше разгледана и усвоена Уредбата со законска сила за дополнување на Уредбата за определување на висината на платата на избраните, именуваните и назначените лица во јавниот сектор за време на вонредна состојба, чии одредби се однесуваат и на вонредните и ополномоштени амбасадори и генералните конзули на Република Северна Македонија, кои остваруваат право на плата согласно Законот за надворешни работи.

На вонредните и ополномоштени амбасадори и генералните конзули според Уредбата со законска сила, за месеците април и мај 2020 година ќе им се исплатува плата намалена за 20 проценти од платата исплатена во претходниот месец.