АНАЛИЗА: Гостивар и Тетово со долг повисок од 11 милиони евра, три скопски ЈП должат скоро 36 000 000 евра

Само три ЈП формирани од Град Скопје, ЈСП, Водовод и канализација и Комунална хигиена, оваа година ја почнаа со вкупен доспеан а неплатен долг во износ од скоро 36 000 000 евра, пишува Порталб. На новата листа на Министерството за финансии на која се рангирани 900 должници, општините и ЈП формирани од општините и натаму котираат високо, со обврски што се бројат во милиони евра. 

Доспеани а неплатени обврски на Тетово, Гостивар, Сарај, Чаир, Желино..

На ниво на државата, највисок износ  на доспеан долг од скоро 14 300 000 евра  има Општина Гостивар, рангирана на 9 то место на новата должничка листата на Министерството за финансии.  Општина Гостивар во однос на крајот од декември 2025 тма намалување на долгот, но на годишно ниво , во споредба со првиот кавртал од лани, обврските се зголемени. Втора локална самоуправа е Општина Тетово со долг во износ од близу 12 000 000 евра и се наоѓа на 10 то место пришто на квартално ниво има намалување но на годишно има пораст на обврските. 

                  Доспеани а неплатени обврски ( март 2026 , евра )

Општина Гостивар       14 284 202

Општина Тетово           11 974 062

Општина Желино          3 666 725

Општина Сарај               2 746 252

Општина Чаир               2 119 117

Извор : МФ

Општина Желино , спроред податоците од минстерството, на крајот на март имала доспеан долг во износ нешто повеќе од 3 666 000 евра, износ кој е понизок во однос на декември 2025 та но повисок на годишно ниво.  Ос скопските локални самоуправи, Општина Сарај пријавиле долг од 2 746 252 евра додека Општина Чаир пак првиот квартал од годинава го завршила со долг во износ од скоро 2 200 000 евра.

Општинските ЈП должат над 107 000 000 евра

Милионски долгови повторно пријавиле и јавните претпријатија формирани од локалната Власт –  вкупните доспеани а неплатени обврски на крајот на март изнесувале 107 650 000  евра , за околу 370 000 евра помалку во однос на декември лани.

На ниво на државата, од сите општински ЈП ( со исклучок на ЈП формирани од Град Скопје и од Владата) , со највисок должнички износ од скоро 9 700 000 евра е ЈП Водовод Куманово, следуваат ЈП Комуналец Струмица со должнички износ од близу 6 200 000 евра а ЈКП Тетово Ц.О. – Тетово  пријавиле обврски во износ од речиси 5 900 000 евра.

                              Доспеани а неплатени долгови ( март 2026 , евра )

ЈП Водовод Куманово                                       9 686 104

ЈП Комуналец Струмица                                  6 156 789

ЈКП Тетово Ц.О. -Тетово                                    5  854 941

ЈП Водовод Охрид                                              5 327 428.    

ЈП Чистота и Зеленило, Куманово                  4 361 051

ЈП Водовод и канализација Струга                 4 316 477

Извор : МФ

Од останатите општински ЈП, со милионски долгови се и ЈП Водовод Охрид со должнички износ од над 5 300 000 евра, ЈП Чистота и Зеленило – Куманово со нешто повеќе од 4 360 000 евра и ЈП Водовод и канализација Струга со доспеани а неплатени обврски во износ од 4 316 477 евра.

Милионски долгови и на “скопските ” ЈП

Во првиот квартал милионски долгови прјавиле и ЈП формирани од Град Скопје и дел од нив котираат високо на должничката листа – рангирани меѓу  најзадолжените во друштовото од 900 институции, сектори, министерства, општини. Јавното сообраќајно претпријатие на крајот на март имало  долг нешто повисок од 15 000 000 евра ,  ЈП Водовод и канализација Скопје пријавило обврски во износ од над 14 000 000 евра а ЈП Комунална хигиена  скоро 6 500 000 евра.                   

                              Долгови на ЈП основани од Град Скопје ( евра)

                                                                Март 2026                                декември 2025

ЈСП                                                          15 153 631                                10 000 000 

ЈП Водовод и канализација             14 335 180                                 18 300 000

ЈП Комунална хигиена                       6 454 404                                    5 766 200

Извор : МФ

Во однос на состојбата на крајот од 2025 та, две од овие ЈП го зголемиле долгот, ЈСП за повеќе од 5 000 000 евра а ЈП Комунална хигиена за околу 700 000 евра додека  само едно, ЈП Водовод и канализација генерирале намалување на обврските за околу 4 000 000 евра.  “Порталб” повикувајќи се на информации од Регистерот за вработени во јавен сектор, веќе објави дека скопските ЈП се и најголеми работодавачи, со по околу  илјада вработени. Конкретно, ЈП Водовод и канализација – Скопје има  1 050 вработени,  ЈСП Скопје  1 022 вработени а  ЈП Комунална хигиена имале 978 вработени во анализираната 2024 та година.