Денеска се точат горива по намалени цени

Малопродажната цена на дизел горивото од ноќеска на полноќ се намали за 2,5 денари по литар, а бензините поевтинија за 1,5 денар, одлучи вчера Регулаторната комисија за енергетика, водни услуги и услуги за управување со комунален отпад (РКЕ). Со одлуката се изврши намалување на малопродажните цени на нафтените деривати во просек за 2,73 отсто.

Максималната малопродажна цена на ЕУРОДИЗЕЛ (Д-Е V) се намали за 2,5 денари и изнесува 95,5 денари за литар, цените на бензините ЕУРОСУПЕР БС-95 и ЕУРОСУПЕР БС-98 се намалија за 1,5 денари и се продаваат за 82, односно 84 денари за литар, додека цената на Екстра лесното масло за домаќинство (ЕЛ-1) се намали за 3,5 денари за литар и сега чини 96,5 денари. Со одлуката на РКЕ за 2,084 денари за килограм се намалува и малопродажната цена на Мазутот М-1 НС и изнесува 49,227 денари.