К-15 во приватниот сектор надмина 19.000 денари

Вработените во приватниот сектор годинава можат да очекуваат минимален регрес за годишен одмор (К-15) од околу 19.415 денари, доколку при пресметката се земат предвид најновите податоци за просечната нето-плата. Новиот износ е резултат на растот на платите, откако Државниот завод за статистика објави дека просечната нето-плата во август 2026 година достигнала 48.733 денари.

Според статистичките податоци, просечната исплатена нето-плата во август била повисока за 7,6 проценти во однос на истиот месец минатата година, објави 4news.mk Растот на платите влијае и врз висината на минималниот К-15, бидејќи во приватниот сектор регресот се утврдува врз основа на пропишаната основица.

Според последните податоци за јуни, јули и август, просечната нето-плата за овие три месеци изнесува 48.537,67 денари. Кога на овој износ ќе се применат 40 проценти, се добива регрес од приближно 19.415 денари.