Кафулињата стануваат канцеларии: Европа воведува нови правила за дигиталните номади

Кафулињата во Амстердам, кои некогаш беа наменети за дружење, кратки паузи и уживање во кафето, сè почесто личат на импровизирани канцеларии. Масите се преплавени со лаптопи, полначи и долги видеоповици, додека традиционалната атмосфера на „пиење кафе“ и муабет постепено исчезнува.

Овој тренд е дел од поширокиот феномен на дигиталниот номадизам и работата од далечина, кој во последните години целосно го промени начинот на кој луѓето ги користат јавните простори во европските градови.

Why does it cost €5 per hour to put up your laptop at any random café in Paris?

When it’s perfectly fine to read a book for 8 hours drinking just a espresso?

I don’t get the dynamics of that at all. pic.twitter.com/RKFavX0nyf

— Linus ✦ Ekenstam (@LinusEkenstam) May 26, 2019

Меѓу работата и социјализацијата: Со едно кафе се седи со часови

Поради сè подолгото задржување на гостите кои работат на своите компјутери, а нарачуваат само еден пијалак, дел од кафулињата во Амстердам и другите европски метрополи почнаа да воведуваат рестрикции. Се ограничува користењето на лаптопи во текот на најфреквентните часови во денот или за време на викендите.

Како што пренесува Euronews, во градови како Барселона, Валенсија и Сантијаго, сопствениците на локали сè почесто воведуваат правила со кои се обидуваат да ја лимитираат работата од далечина во своите објекти. Причините се пред сè од економска природа – гостите кои со часови зафаќаат маса со само едно купено кафе стануваат неисплатливи за малите угостители.

Какви мерки преземаат угостителите?

• Целосна забрана: Некои локали веќе целосно ја забранија употребата на лаптопи.
• Исклучување на интернет: Намерно се исклучува Wi-Fi мрежата во шпицот на денот.
• Временски ограничувања: Се дозволува работа на компјутер само во одреден временски интервал.
• Наплата по час: Во градови како Париз и Берлин, веќе со години постојат кафулиња кои го наплаќаат престојот со лаптоп по поминат час.

Дигитални номади или „трет простор“ во модерниот живот?

Оваа тема предизвика поделени реакции во јавноста. Додека едни сметаат дека работата на лаптоп го нарушува амбиентот на кафулињата и им штети на бизнисите, други истакнуваат дека кафулињата станаа еден од ретките достапни „трети простори“ во современите градови – односно клучна алтернатива помеѓу домот и класичната канцеларија.

Оваа промена го отвора и поширокото прашање: дали кафулињата треба да останат првенствено места за социјализација или треба да се прилагодат на новата реалност на пазарот на труд?

Нови правила на урбаното секојдневие

Трендот што доаѓа од Амстердам покажува дека границата помеѓу приватниот и деловниот живот сè повеќе се брише, а градовите мора брзо да се прилагодуваат на новите навики на жителите.

И додека едни кафулиња воведуваат строги правила за да ја сочуваат својата традиционална улога на катчиња за дружење, други гледаат шанса во ова и целосно се прилагодуваат на дигиталните работници кои бараат флексибилни места за работа.

Извор: BIZLife.rs