„Право на пристојни пензии“: ФЕРПА и ПСМ го честитаат 1 октомври – Меѓународниот ден на постари лица

Европската федерација на пензионери и постари лица (ФЕРПА) и Пензионерскиот синдикат на Македонија им го честитаат 1 октомври – Меѓународниот ден на постари лица на сите постари граѓани.

„На овој 1 октомври, ФЕРПА и нејзините 42 здружени синдикални организации се мобилизираат со обединет глас за да повикаат на акција и да побараат вистинска промена на курсот. Стареењето повеќе не смее да биде синоним за несигурност или изолација, туку треба да прерасне во амбициозна општествена цел“, велат од ФЕРПА чија членка е и Пензионерскиот синдикат на Македонија.

Од ФЕРПА велат дека „време е да му свртиме грб на ејџизмот (дискриминација на постари лица) – појава што ги одржува стереотипите и дискриминацијата, и пречесто ги маргинализира постарите лица.“

Постарите лица се полноправни граѓани. Тие се живото сеќавање на нашето општество и незаменлив мост меѓу генерациите: им помагаат на своите родители и деца, ги насочуваат внуците, имаат активна улога во групите во заедницата и во синдикатите, како и клучна економска улога.

Сепак, во време на криза, постарите лица најсилно ги чувствуваат последиците од нееднаквостите. На сите нас – и на младите и на старите – останува заеднички да се бориме и да бараме конкретни мерки:

• Право на пристојни пензии: За трајно искоренување на сиромаштијата меѓу  постарите лица и овозможување тие да живеат, а не само да преживуваат.
• Право на здравствена заштита: Квалитетна долгорочна нега достапна за сите,

како финансиски, така и географски.

• Право на достоинствен дом: Безбедно и соодветно домување, придружено со

квалитетни и достапни локални јавни услуги.

• Право на социјална вклученост: За надминување на погубната изолација  што ги уништува животите.

Неуморна мобилизација

Меѓугенерациската солидарност не е празна фраза: предизвиците со кои се соочуваат  постарите лица денес се истите оние со кои се соочувале младите вчера и со кои ќе се соочуваат утре.

На 1 октомври – и секој ден во годината – FERPA и нејзините членки ја интензивираат

борбата за да се осигура дека овие барања ќе допрат до сите креатори на политики.

За живот со достоинство во секоја животна фаза!