„Добро го направи ова, но…“ и останати реченици кои не треба да им ги кажувате на вашите вработени

Состаноците се нешто што во компаниите во главно се применува на секојдневно ниво: менаџерите се состануваат со клиентите, со своите вработени, вработените едни со други итн.

Оние кои најмногу се однесуваат на вработените во една компанија се состаноците кои се одржуваат со менаџерите/работодавачите, бидејќи тука се решаваат и унапредуваат важни сегменти од работењето, како функционирањето на тимот, иднината, плановите итн.

Речиси сите сме биле на такви состаноци. Работодавачите ги закажуваат во времетраење од половина час, а тие се одолжуваат на два часа. Вработените често после нив остануваат без одговори или од состанокот излегуваат повеќе демотивирани од што биле пред него, што е многу погрешно бидејќи целта на состаноците е во главно унапредување на работењето.

sastanak

Фото: Unsplash

Што тргнало наопаку?

Самиот концпет состанок е нешто што на вработените им делува инспиративно. Затворен простор, проблем кој треба да се реши и на крајот шефот кој го има главниот збор… И многу често одговорното лице (работодавач, менаџер, директор) е крив за состаноците кои не влијаат добро на вработените.

Вака ќе препознаете дали работодавачот е крив за незгодните состаноци.

1. „Не“ на прекарите

Ако во текот на состанокот работодавачот кој го води главниот збор на своите вработени им се обраќа со прекари, тоа може да биде многу погрешно. Зошто? Па, бидејќи секогаш ќе има вработени кои таквото обраќање ќе го сфатат како шега на нечија сметка или пак фаворизирање на некој.

Наместо во текот на состаноците работодавачите да користат прекари, најдобро би било на вработените да им се обраќаат онака како што им се обраќаат во текот на целиот работен ден, т.е. да не „штрчи“ некое име на состанокот.

Играта „виновни“

Оваа игра може да се одвива на два начини. Или се прави виновен некој од вработените, најчесто еден или лидерот ја презема вината. Познато е дека лидерите имаат тенденција, кога нешто ќе тргне наопаку во работата, да мораат да покажат со прст. Дури и да се работи за нив самите.

За да се создаде култура на заедништво и продуктивност во тимот, лидерите никогаш не би требало да издвојуваат некого како виновник. Она што би требало да се направи е тимот на вработени да го гледаат како спортски тим: кога ќе изгубат, да не го криват играчот или судијата. Тие победуваат и губат како тим. Вработените би требало да се третираат на ист начин.

sastanak

Фото: Unsplash

3. ТОЈ вработен

На сите нас ни е познато чувството од училиште кога наставникот ќе прозве некој конкретно. Било да се работи за позитивно или негативно прозивање, тој некој не се чувствува природно.

Зошто лидерот би ставил некој во таква позиција на работното место? Вообичаено погрешно е сфаќањето дека лидерот мора да ги држи вработените „на нозе“ за да секогаш се подготвени. Но ако работодавачите „добро вработиле“ тоа не би требало да биде проблем.

4. Лошите идеи се изгасени

Иако ова можеби на прв поглед не изгледа како одговорност на работодавачот, голема е шансата да е, иако не е свесен за тоа.

Постојат многу начини на кои работодавачот може да отфрли некои идеи, иако тие имаат потенцијал. Говорот на телот или изразот на лицето на работодавачот може да игра голема улога во тоа. Потсмевнувањето, превртувањето на очите, намуртените веѓи или претворањето дека такви идеи никогаш не слушнале, се примери за тоа како работодавачите му кажуваат на лицето или тимот дека идеите не само што се лоши, туку не се ниту вредни за нивното време.

Иако никој од работодавачите не бара идеите да ги гледа низ „розеви очила“ или да ја анализира баш секоја идеја која ќе се најде на столот, работодавачот секако би требало да слави ако идеите воопшто се појавуваат. Затоа кон секое лице и неговата идеја би требало да се однесуваат со внимание и почит. Во спротивно, ќе престанат да добиваат било какви идеи.

5. Како „но“ уништи се

„Мислам дека добро ја заврши работата, но…“

Штом работодавачот го изговори овој наизглед едноставен и неважен збор од две букви, го уништува сето тоа што го рекол пред тоа. Она што би требало да направат ако имаат било каква критика е без дофрлување да кажат нешто позитивно во реченицата. Вработените ќе ценат доколку нешто кажете како што е.

Затоа работодавачите би требало да се држат подалеку од „надувани“ реченици – на тој начин креираат атмосфера во која вработените почнуваат премногу да анализираат или да паѓаат во агонија.

Извор: BIZLife

Фото: Unsplash