Каде потфрлиме во задржувањето на квалификуваните кадри?
Македонија потфрлува во задржувањето на младите квалификувани кадри и квалификуваните кадри воопшто. Според познавачите тоа се должи на трендовите, менувањето на средината поради револотот и политиката која не им дозволи да се докажат во секторите и дејностите во кои сакаат да работат.
Системот во којшто работиме не постави норми за работните места кои имаше претпоставка дека ќе бидат во дефицит, вели Зоран Кочоски, сопственик на агенцијата за посредување при вработување во странство „Коузон“.
Тука пред се’ зборувам за стручните занимања, почнувајќи од лекарските кадри, па продолжувајќи со занаетчиите кои масовно заминуваат надвор од Македонија, истакна Кочоски.
Според него, во овој момент не може ништо да се направи, бидејќи не станува збор за потреба од заминување од Македонија, туку станува збор за тренд. Во тој тренд, како што вели нашиот соговорник, делумно влијание има и желбата на секој поединец да се проба на некое друго место, затоа што претпоставка е дека може повеќе да направи, што, имајќи предвид дека Европа во моментов се соочува со економска криза, можеби ќе биде доста тешко за добар дел од работниците да обезбедат подобри услови за живот надвор од Македонија.
Кочоски тврди дека кај некои луѓе постои и потребата да се смени животната средина поради спрегата на политиката со нашето секојдневно живеење и револтот на добар дел од граѓаните кои не сакаат да се изложат на политичките ситуации во Македонија.
И последниот, според мене, можеби најважен фактор, зошто и како ние не успеавме да се справиме со ситуацијата во која се наоѓаме денес со губењето на работната сила е тоа што на младите не им дадовме шанса да се интегрираат во општеството, односно тесните политички кругови ги затворија сите можности еден млад професионалец да може да се докаже во одреден сектор или дејност, посочи Кочоски.
Според податоците од Светска банка, 40 % од квалификуваниот кадар од земјава веќе е заминат надвор. Моменталниот годишен просек на иселување, според Државниот завод за статистика, изнесува 12,000 и со тоа Македонија е во топ десет земји во светот по бројот на иселувања во странство.
- КАКО ДА ОДГОВОРИТЕ НА ПРАШАЊЕТО „КОЛКАВА ПЛАТА ОЧЕКУВАТЕ?“ НА ИНТЕРВЈУ ЗА РАБОТА – ПРАКТИЧНИ СОВЕТИ НА ИЗАБЕЛА ШКОФ, СОВЕТНИК ЗА РАЗВОЈ НА КАРИЕРА [Видео интервју] - 17/04/2025
- МАКЕДОНСКИТЕ РАБОТНИЦИ СЕ ВИСОКО АНГАЖИРАНИ, НО МНОГУ ГНЕВНИ: Состојбата во Европа со ангажираноста на вработените со акцент на Македонија - 13/04/2025
- ЕДНО ПРАШАЊЕ: КАДЕ ДА ПРИЈАВАМ МОБИНГ? - 10/04/2025
