Кога сите зборуваат во исто време, настанува хаос: Применете ја оваа кратка фраза и ќе дојдете до успех

„Малите разговори можат да делуваат тривијално, но исто така можат да дадат големи резултати. Можат да ни помогнат да воспоставиме нови или подлабоки врски со другите, овозможувајќи ни да откриеме некои, можеби, неочекувани области од заеднички интерес. Можат да ни овозможат да воспоставиме или да ја зајкнеме личната репутација, давајќи ни прилика да покажеме топлина и емпатија“, вели Мет Абрамс, предавач на Стенфорд, водител на подкаст и експерт за комуникација.

Тој, конкретно, вели дека секогаш бил инспириран од манирите на својата тешта и нејзините импресивни меѓучовечки вештини.

„Нејзината омилена фраза беше ‘Кажи ми повеќе за тоа’ и се случува секогаш да ја користат луѓето кои се добри во т.н. мали разговори“ истакнал Абрамс за CNBC.

Моќта на фразата „Кажи ми повеќе за тоа“

„Поголемиот дел од членовите на моето поблиско семејство не беа толку добри во дијалози и активно слушање во текот на разговорите. Сите зборувавме наглас, не слушајќи се меѓусебе. Би се слушал оној кој најгласно и најдолго зборува, а останатите би останале во позадина. Значи, замислете колку беше впечатливо да се види мојата тешта како доброволно отстапува збор, давајќи му дозвола на другиот да зборува. Тоа делуваше како великодушен, емпатичен чин. Веднаш почувствував колку врски создала преку тие едноставни зборови и видов колку научи од луѓето со кои разговараше“, пишува понатаму овој експерт за комуникација.

Значи, токму овој совет можете да го примените и на работното место, за да изградите подобри односи со колегите, но и со шефот, клиентите и соработниците.

Најдобрите комуникатори, смета Мет, на соговорникот му даваат „реакција на поддршката“. Фразата „Зборувај ми повеќе за тоа“ го поддржува она што другата личност го зборува; спротивно на тоа е репликата, што значи дека фокусот повторно е на вас и вашата приказна.

Ако, на пример, вашиот пријател ви се пожали од својот досаден сосед од катот, доколку речете: „Да, не би верувал до какви ситуации ме доведува мојот сосед. Неговата вчерашна журка траеше и после 3 часот наутро“ – со оваа изјава разговорот го „префрлате“ на себе.

Одговорот со поддршка, од друга страна, покажува дека се сочувствувате во својот пријател или едноставно сакате да слушнете повеќе детали за лошото однесување на неговиот сосед и за тоа како вашиот пријател се носи со тоа.

Извор: Telegraf Biznis

Фото: Shutterstock