- Advertisement -
Правда

Левица: Мерките кои ги предлага Владата се типично насилство врз народот и не смее да бидат донесени

Работеле на 40 часа - Работник
277views

Иако ги имаме едни од најрестриктивните мерки за движење во регионот (а и воопшто) за справување со ширењето на КОВИД-19, Владата на последната седница донесе предлози кои ја надминуваат секоја логика и здраворазумско размислување, велат од Левица во соопшението за јавноста.

„Имено, се планира секое групирање над 2 лица да биде казниво, а секое групирање над 5 лица станува и кривично дело. Понатаму, секое неносење на маска и ракавици и непочитување на пропишаното растојание од 2 метра исто така ќе се казнува; и сето ова претходно се бара да биде документирано со фотографирање, како во некој дистописки филм“, посочуваат од Левица.

Advertisement

Според нив, донесувањето на вакви уредби во ситуација кога веќе имаме и пререстриктивни мерки, кога десетици илјадници работници се на улица и најголем дел од нив се без примања, не е ништо друго – туку најобично насилие.

Од Левица истакнуваат дека недозволива е ноншалантноста на Владата со кои се најавуваат вакви ригорозни санкции, без да ѝ се објасни на јавноста детално и врз база на кои податоци и анализи се усвојуваат предложените мерки. Потенцираат дека казнување на обичните граѓани врз кои падна најголемиот товар од кризата, без да се има во обзир нарушената егзистенција на голем дел од населението, претставува дрско самоволие на властите и чист тоталитаризам. Од друга страна, велат, додека се казнуваат граѓаните со драконски суми, за докторката Билјановска и после еден месец од скандалот Обвинителството се’ уште прибира докази.

Advertisement

„На овој начин предложените мерки имаат единствено за цел да се скрие монументалната неспособност која ја покажаа властите во справувањето со кризата, која веќе стана очигледна за секого. Најголемите гужви пред пазарите, маркетите и аптеките кои се случуваат се токму резултат на непромислените одлуки на Владата за заострување на полицискиот час, а не поради граѓаните кои воглавно ги почитуваат мерките кои се пропишани“, пишуваат од Левица во соопштението.

Според нив, дд друга страна, сведоци сме како и самите членови на Владата се недисциплинирани и не ги почитуваат мерките за безбедност кои самите ги носат. Во ваква ситуација, донесувањето на овие непромислени мерки го покажуваат лицемерието на власта и уште еднаш покажуваат дека во Македонија законите важат само за обичниот народ, а не и за моќниците.

Порачуваат дека очигледното демонстрирање на сила врз обичниот народ мора да престане. Мерките кои се планирани за денешната седница не смеат да бидат донесени без Владата да се обврзе дека ќе ги обезбеди и гарантира сите потребни услови и материјали за да предвидените мерки можат да бидат испочитувани од секој поединец и семејство, без тие да претставуваат дополнителен товар за нив.

Advertisement