Шанса за работа во „Римац“: Се бараат повеќе од 100 работници – од магационери до оператори во производство, познати и платите
Компанијата Rimac Technology вработува повеќе од 100 работници на различни позиции – од магационери до оператори во производство. Работното место е во Rimac Campus во Керестинец, а информацијата за новите вработувања ја потврди и самиот основач на компанијата, Мате Римац.
Мате Римац им посака среќа на идните вработени
„Бараме повеќе од 100 работници во производството во Rimac Technology (локација: Rimac Campus). На линкот се достапни сите важни информации. Истовремено вработуваме и стотици луѓе на други работни позиции, особено во развојниот сектор на Bugatti Rimac. Заинтересираните можат да ги разгледаат сите огласи на страницата Careers. Среќно!“, напиша Мате Римац на социјалните мрежи.
Плата од 1.500 евра бруто и дополнителни надоместоци
Според огласот, компанијата нуди бруто плата од 1.500 евра месечно.
Покрај основната плата, вработените добиваат и дополнителни надоместоци за прекувремена работа, работа во смени, како и за работа во сабота, недела и за време на празници.
Доплатите се распределени на следниот начин:
- попладневна смена: +10%
- ноќна смена: +30%
- работа во сабота: +30%
- работа во недела и на празници: +50%
Компанијата наведува дека на вработените им нуди и бројни други бенефиции.
Извор: Blic.rs
