ПравдаСветот на работникот

Лукашенко побара затворање на фабриките чии работници штрајкуваат

53views

Претседателот на Белорусија, Александар Лукашенко, нареди сите фабрики чии работници излегоа на штрајк по претседателските избори да бидат затворени од понеделник.

Работниците се приклучија на штрајкот на граѓаните кои се незадоволни од резултатите од изборите.

„Побарав од гувернерот и раководителите на извршните одбори да не ги присилуваат оние што не сакаат да работат. Ние нема да можеме да ги присилиме и убедиме”, рече Лукашенко на состанокот во Гродно. Тој додаде дека земјата ќе го преживее тоа, пренесува ТАСС.

„Но, ако компанија не работи, ние ќе ставиме катанец на вратата во понеделник. Луѓето ќе се смират и ќе решиме кога ќе ги повикаме на работа”, рече Лукашенко.

По неодамнешните избори на кои победи Лукашенко, кои опозицијата не ги признава, во Белорусија се одржуваат дневни протести, а работниците од многу фабрики излегоа на штрајк.