- Advertisement -
МакедонијаПравда

Мицевски: Да се овозможи редовно, физичко присуство на медиумите на собраниските комисии

Мицевски: Да се овозможи редовно - Работник
122views

Координаторот на пратеничката група на ВМРО-ДПМНЕ и Коалиција „За обнова на Македонија“, Никола Мицевски денеска се обрати на собраниската седница. Мицевски при своето обраќање побара од денес да се дозволи на медиумите да присуствуваа во Собранието и да го следат текот на работата на собраниските Комисии.

„Сметам дека е битно на самиот почеток на оваа седница да го кажам следново, значи по реакција на повеќе медиуми кои што дојдоа до мене, барам да се овозможи редовно, физичко присуство на собраниските комисии на акредитираните медиуми во Собранието“, истакна Мицевски.

Advertisement

Мицевски додаде дека барањето е да се започне од денес и тоа токму од Комисија за образование и понатаму да присуствуваат медиумите и на другите Комисии и работни тела кои што ќе работат во Собранието.

„Сметам дека во салата „Борис Трајковски“ има доволно место да бидат сместени камерманите, долу на партер и новинарите во галеријата. И тоа секако почитувајќи ги сите здравствени протоколи. Во спротивно ќе го сметаме како обид за опструкција и спречување секој медиум за целосно изворно да биде информиран, и да ја информира јавноста за текот и работата на Комисиите во Собранието на Република Македонија“, нагласи Мицевски.

Advertisement
Advertisement

Мицевски посочи дека не би требало да биде проблем да им се овозможи физички да присуствуваат новинарите во Собрание за да го следат текот на работата на Комисиите.

„Во насока на транспарентноста на работата на Собранието очекувам ова мое барање да биде прифатено и медиумите да можат непречено да работат и да информираат почнувајќи од денес“, рече Мицевски. 

Advertisement