Од ноќеска на полноќ: Бензините поскапи, дизелот поевтин

Одлука со која се врши зголемување на малопродажните цени на нафтените деривати во просек за 0,23 отсто денеска донесе Регулаторната комисија за енергетика и водни услуги.

Малопродажната цена на бензинот ЕУРОСУПЕР БС-95 се зголемува за 1,00 ден/лит, додека малопродажната цена на бензинот ЕУРОСУПЕР БС-98 се зголемува за 1,50 ден/лит.

-Цената на ЕУРОДИЗЕЛ (Д-Е В) се намалува за 1,00 денар за литар, додека малопродажната цена на Екстра лесното масло за домаќинство на (ЕЛ-1) се намалува за 1,50 ден/лит, соопшти Комисијата.

Така, од ноќеска на полноќ ЕУРОДИЗЕЛ БС (Д-Е В) ќе се продава за 73, Екстра лесното масло за домаќинство (ЕЛ-1) за 72, ЕУРОСУПЕР БС – 95 за 82, а ЕУРОСУПЕР БС – 98 за 84,5 денари за литар.

Малопродажната цена на Мазутот М-1 НС се зголемува за 0,550 ден/кг и сега ќе изнесува 37,628 ден/кг.