Од преведувач и дадилка до онлајн тутор – ова се професии со кои можете да го обиколите целиот свет!
Слободата да работите на далечина, без да бидете врзани за едно место, станува сè попопуларна меѓу денешните работници – особено кај младите кои сè уште немаат оформено семејство и сакаат да го „видат светот“ и да стекнат нови искуства.
Во странство, често ќе се најдете во ситуација да прифатите интересни и понекогаш неочекувани работи со кои дома никогаш не би се занимавале. Но токму тие работи носат нови знаења и вештини кои ќе ви бидат од корист во иднина.
Ако барате работа што ќе ви овозможи сами да го одредувате своето работно време и истовремено да патувате, размислете за следниве професии:
1. Креатор на содржина (Content Creator)
Доволни се добар Wi-Fi и лаптоп за да почнете со оваа работа. Како креатор на интернет-содржина можете да работите како копирајтер, уредник на портали, социјални мрежи, да соработувате со PR агенции или веб-страници. Можностите се речиси бесконечни.
2. Онлајн тутор (Online Tutor)
Онлајн наставата стана многу популарна. Сè што ви треба е добро познавање на предметот што го предавате, позитивни препораки и мрежа на клиенти. Можете да работите со ученици од целиот свет на далечина.
3. Дадилка (Au Pair)
Оваа работа сè уште е барана, особено во странство. Најчесто се бара претходно искуство, а платформата AuPairWorld поврзува дадилки со семејства кои бараат грижа за деца.
4. Работа на крузери
Иако е тешка и бара посветеност, работата на крузери може да биде одлична можност за патување и заработка. Бидете сигурни дека сте добро информирани за условите и правата при ангажманот.
5. Туристички водич
Ако сте љубопитни, сакате да се движите и да работите со луѓе, ова е совршена професија за вас. Голема предност е што можете сами да си го организирате распоредот и турите, според вашите финансиски можности.
6. Преведувач
Доколку познавате повеќе јазици, преведувањето може да ви понуди бројни можности за работа, како и патување. Платата зависи од земјата и клиентот, но ова е одличен начин да ги искористите јазичните вештини.
7. Менаџер на социјални мрежи
Идеално за оние што се „зависни“ од Instagram, Facebook или Twitter, но знаат и како да ги користат платформите стратешки. Оваа професија е во пораст и нуди можности за развој и учење нови вештини.
8. Аналитичар на податоци
Иако звучи посериозно и „суво“, оваа работа бара добри организациски вештини, познавање на Excel и анализа на податоци од социјални мрежи. Станува сè побарана и нуди сигурност и стабилна заработка.
Извор: Vjesti ba
