Пензионерскиот синдикат го честита Меѓународниот ден на постари лица

Како дел од Европската федерација на пензионери и постари лица – ФЕРПА, повикуваме да се почитуваат четирите главни столба кои организацијата ги постави за свои приоритети. Тие вклучуваат: право на пристојни пензии, право на долгорочна и квалитетна здравствена грижа, право на квалитетно сместување кое ги зема предвид потребите на постарите лица и правото на други основни услуги.

Ги повикуваме властите во Македонија во целост да ги овозможат овие потреби  и да се применуваат во пракса, бидејќи само така можеме да создадеме подобар живот за нашите пензионери и постари лица.

Повторно го поздравуваме зголемувањето на пензиите во изминатиот период, но и посочуваме дека потребно е да продолжат да растат, за да се продожи да се подобрува социо-економскиот статус на пензионерите.

Кон честитката и горенаведеното се придружува и Здружението за остварување на пензионерските права ПЕНЗИОНЕРИ КСС-ПСМ.