МакедонијаПравдаСветот на работникот

Претставници на синдикатите и работодавачите на средба со Шахпаска: Побрзо заокружување на содржината на новиот Закон за работни односи

Претставници на синдикатите и работодавачите - Работник
200views

Во Мининистерството за труд и социјална политика  Министерката Шахпаска  одржа работна средба со претставници од репрезентативните, нерепрезентативните синдикати и  претставници на работодавачите.

На средбата се дискутираше за продолжување на процесот на подготовка на Законот за работните односи при што Министерката Шахпаска побара активно вклучување на сите чинители засегнати од законското уредување на прашањата кои ги регулира овој Закон. Таа додаде дека следните работни среди ќе бидат надополнети и со претставници на невладиниот сектор и стопанските комори. Притоа, таа  присутните претставници ги запозна со содржината на програмата на Владата, а која  е поврзана со Законот за работни односи, соопштија од Министерството.

Она на кое  што ќе работиме периодот пред нас се уредување на прашањето во врска со сезонската работа, флексибилното работно време, родителското отсуство, работата од  дома работата од  далечина, договорите на определено време и други прашања важни за унапредување на позитивното законодавство, а ќе обезбедат флексибилност и сигурност на работните места, посочи Шахпаска.

Во овој процес ќе бидат  вклучени  и експерти од трудово право и Меѓународната организација на трудот, со цел добивање на експертско мислење за усогласеноста на Законот со директивите на ЕУ и Конвенциите на МОТ.

На крајот од работната средба сите страни се согласија на поинтезивна работа и средби во периодот кој следува ,со цел побрзо заокружување на содржината на новиот Закон за работни односи.

Извор: Лидер