Речиси 3,000 македонски работници добиле дозвола за работа во Хрватска до 3 април годинава
Од 1 јануари до 3 април, Министерството за внатрешни работи на Хрватска им издало 2,820 работни дозволи на македонски сезонски работници.
Со оглед на тоа дека се‘ уште не е започната сезоната, нашите работници допрва ќе заминуваат на сезонска работа во Хрватска. Минатата година, дозвола за работа добиле 13,412 наши граѓани, а оваа година се очекува оваа бројка да биде поголема. Инаку, лани македонските работници биле во топ пет по бројност во Хрватска.
- БиХ– 38,236
- Србија – 24,028
- Непал – 23,493
- Индија – 15,627
- Македонија – 13,412
- Филипини- 10,999
- Косово- 9,922
- Бангладеш – 8,749
- Турција– 5,067
- Албанија– 4,244
Најголемиот дел од сезонските работници во 2023 година работеле во Градежништвото (68,912) и Угостителството и Туризмот (45,868).
Од МВР на Хрватска информираа и дека дозволите на работа се издаваат за време кое е потребно за обавување на работата, односно времето на кое е склучен договорот за работа, а најдолго до 1 година. Дозволите за сезонска работа се издаваат со рок на важење до 6 месеци, а сината карта на ЕУ се издава со рок на важење до 24 месеци.
Повеќе информации за издавање на работните дозволи можете да најдете тука.
