Секогаш се разболувате на одмор? Не, не сте „баксуз“ – Овој синдром погодува 81 % од Германците и постои објаснување за него

Колку пати, во својата кариера, сте помислиле: Каков баксуз сум! Но, не, овде не зборуваме за деловни неуспеи или пропуштени шанси, туку за предизвикот кој мачи дури 81 % од Германците, ако им се верува на податоците од анкетата.

Имено, според неодамнешното истражување на компанијата HanseMerkur и Appinio, гореспоменатата бројка – изразена во проценти – е уделот на граѓани на Германија кои ги погодува некоја тегоба додека се на одмор, пишува Bild

Таман штом заштедат пари, кои ги штедат со месеци и направат распоред на работа околу одморот, а потоа организираат превоз до аеродром и букираат сместување – мислејќи дека конечно можат да се опуштат, вработените се соочуваат со нов стрес.

Речиси половина од испитаниците во изминатиот период се разболеле на одмор во Европа, а 23.8 % на подалечни дестинации. Можеби не сте знаеле, но дури постои дефиниран феномен кој го објаснува ова, познат како „болен во слободно време“ (анг. leisure sickness).

Но, не грижете се, не ве брка малер – за ова постои сосема логично и физиолошко објаснување. Додека работите, нивото на адреналин често е високо во стресните фази, што ве тера да работите најдобро што можете и ги маскира првите можни знаци на болест.

Доколку нивото на адреналин опадне на почетокот на одморот, на патогените им е полесно да се размножат, бидејќи телото е „окупирано“ од процесот на преоѓање од стрес на заздравување или сипмтпомите тогаш за првпат се забележителни. Така е и за викенд.