Зошто директорите се под поголем стрес од кога било досега и како тоа го расипува целиот тим?
Пред четири години, Арон Литлс согорел. Како оперативен директор (COO) во екот на пандемијата, работел 90 часа неделно додека фирмата растела пет пати побрзо од планираното. Кога му било понудено унапредување, наместо гордост, почувствувал очај. Бракот му бил пред развод, а телото му рекло – доста. Денес, како успешен директор на две компании, тој на burnout гледа како на најважна лекција во кариерата.
Иако работниците ретко се сочувствуваат со високоплатените менаџери, статистиката е застрашувачка: burnout – от меѓу лидерите расте побрзо од која била група на вработени.
Лидерите ја губат битката со времето
Според извештајот Global Leadership Forecast 2025, дури 71 % од лидерите пријавуваат повишено ниво на стрес, што е значаен скок во однос на 63 % пред само три години. Поради споредба, стапката на burnout кај останатите вработени изнесува 55 %, пишува CNBC Make It.
Главни причини? Чувството дека нема доволно време за количината на работа, притисокот од вештачката интелигенција и постојаните промени на пазарот. Лидерите се чувствуваат како едвај да ја држат главата над вода.
Кога немирот на шефот ќе стане физички проблем на тимот
Психолозите предупредуваат на феноменот на стресна инфекција. Кога лидерот е под burnout, вработените тоа потсвесно го забележуваат, што кај нив предизвикува физичка реакција на стрес.
„Стресот преминува од човек на човек, а ефектите се физички и мерливи. Често не сме свесни дека анксиозноста на шефовите не’ разболува“, објаснува социјалниот психолог Теса Вест.
Дополнителен проблем е и „маскирањето.“ Многу директори веруваат дека на врвот не смеат да покажуваат ранливост, па го потиснуваат стресот, што само ја влошува ситуацијата и доведува до лоша комуникација и недостаток на емпатија кон тимот.
Зошто луѓето всушност даваат откази?
Податоците на софтверската компанија BambooHR се сурови: 90 % од вработените кои дале отказ во 2024 година, го направиле тоа поради лош шеф. Лошиот стил на управување, недостаток на признанија и слабата комуникација се директни последици на согорувањето на лидерот.
Експертите им препорачуваат на лидерите (но и на сите останати) едноставна стратегија за враќање во баланс:
- Медитација: 5 минути, три пати неделно (доволен е и YouTube).
- Тренинг: 30 минути, три пати неделно.
- Сон: Најмалку 8 часа сон, три пати неделно.
За компанијата да биде здрава, лидерот мора да биде здрав. Арон Литлс, од почетокот на нашата приказна, денес својот успех го гради на делегирање. Неговиот тим ја спроведува егзекуцијата, додека тој се бави со стратегија. Тој инсистира на користење на слободни денови и потполно исклучување од мејловите по работното време – како за вработените, така и за себе.
Извор: BIZLife.rs
