Лукаревска: Над 20.000 вработени не примиле плата

Повеќе од 20.000 вработени не примиле плата, информира директорката на Управата за јавни приходи, Сања Лукаревска.

– Во јануари 2022 година, 4.968 работодавачи поднеле месечни пресметки за интегрирана наплата, но таа не е исплатена за 12.827 вработени. Доставени се опомени и веќе оди блокирање на сметките и присилна наплата. Исто така, 5.029 работодавачи воопшто не поднеле месечни пресметки за наплата, а се однесуваат за 7.811 вработени. И до нив се доставени опомени – рече таа во телевизиско гостување.