Германската автомобилска индустрија губи илјадници работни места: Вработеноста најниска од 2005 година

Германската автомобилска индустрија продолжува да се соочува со сериозен пад на вработеноста. Во првата половина од 2026 година бројот на работници во секторот се намалил на 691.500, што е најниско ниво во последните две децении.

Според германската статистика, за една година бројот на вработени во автомобилската индустрија се намалил за 42.300 лица, односно 5,8 проценти.

Најголем пад е регистриран кај производителите на возила и мотори, каде бројот на работници се намалил за 6,1 процент, на 429.200. Кај производителите на автомобилски делови и опрема падот е уште поголем – 7,6 проценти, со 219.500 вработени.

И покрај намалувањето, автомобилскиот сектор останува втор најголем индустриски работодавач во Германија, веднаш зад машинската индустрија.

Проблемите, сепак, не се ограничени само на автомобилскиот сектор. Во целата германска преработувачка индустрија бројот на вработени се намалил за 144.100 лица, односно 2,7 проценти, во споредба со истиот период минатата година.

Пад на вработеноста е забележан и во металната, хемиската и електроиндустријата, како и во машинството.

Податоците покажуваат дека германската индустрија минува низ период на значајно преструктурирање, при што автомобилскиот сектор е меѓу најсилно погодените.