Ова се работните места што вештачката интелигенција тешко ќе може да ги замени

Иако вештачката интелигенција целосно го трансформираше начинот на кој се извршуваат многу канцелариски и аналитички работни задачи, мала е веројатноста дека ВИ агентите во блиска иднина ќе гасат пожари, ќе управуваат со авиони или ќе работат на градилишта.

Во услови на сè поголема загриженост за влијанието на вештачката интелигенција врз пазарот на трудот, сè повеќе работници се насочуваат кон професии кои се сметаат за помалку изложени на автоматизација.

Истражувањата покажуваат дека дури 62 % од професионалците би избрале физички и занаетчиски професии доколку тие им гарантираат подобра заработка и долгорочна стабилност во споредба со нивната сегашна работа.

Платформата за развој на кариера „Resume Now“ спровела анализа на базите на податоци на Министерството за труд на САД (O*NET), фокусирајќи се на шест клучни човечки способности: издржливост, физичка сила, брзина на реакција, просторна ориентација, способност за истовремено извршување повеќе задачи и препознавање опасности.

Експертот за кариера Кит Спенсер истакнува дека овие професии не се отпорни на вештачката интелигенција само затоа што вклучуваат физичка работа, туку затоа што бараат висок степен на човечка проценка, брзо донесување одлуки и преземање одговорност, пренесува CNBC Make It.

Топ 10 професии најотпорни на вештачката интелигенција

Врз основа на анализата на човечките способности и просечните годишни заработки, издвоени се 10 професии во кои човечкиот фактор останува тешко заменлив.

1. Пожарникари

Клучни вештини: физичка сила, издржливост, брзи рефлекси, просторна ориентација и препознавање опасности во итни ситуации.

2. Пилоти и воздухопловни инженери

Клучни вештини: брзи реакции, навигација, извршување повеќе задачи истовремено и проценка на ризикот за време на лет.

3. Монтери на монтажни и подвижни објекти

Клучни вештини: сила, издржливост, брзина на реакција и препознавање технички проблеми на терен.

4. Кресачи и сечачи на дрвја

Клучни вештини: физичка сила, рефлекси, издржливост и препознавање опасни ситуации при работа на висина.

5. Градежни работници на челични и метални конструкции

Клучни вештини: сила, координација, издржливост и препознавање опасности на градилиштето.

6. Работници на нафтени и гасни бушотини

Клучни вештини: физичка сила, постојана внимателност и проценка на безбедноста при работа со тешка механизација.

7. Рударски работници за обезбедување на подземни копови

Клучни вештини: брзина на реакција, просторна свест и препознавање опасности под земја.

8. Комерцијални пилоти

Клучни вештини: навигација, брзи рефлекси, управување со ресурсите и рано препознавање на проблеми.

9. Професионални рибари и ловци

Клучни вештини: просторна ориентација, физичка сила, издржливост и проценка на непредвидливи временски и природни услови.

10. Работници кои сечат дрвја во шумарството

Клучни вештини: рефлекси, физичка сила и препознавање на високоризични ситуации при експлоатација на шумите.

Клучот за успех во ерата на вештачката интелигенција

Иако опасните и физички напорните професии не се избор за секого, пораката од оваа анализа може да се примени во речиси сите сектори.

Советниците за кариера нагласуваат дека работниците треба да си постават две клучни прашања:

Кои уникатни човечки вештини ќе бидат најценети во иднина?

Како можам да ги развивам тие вештини, а истовремено да учам како да ја користам вештачката интелигенција како алатка?

Прилагодливоста, критичкото размислување, здравото расудување и решавањето сложени проблеми остануваат меѓу највредните способности на пазарот на трудот – без оглед на тоа колку напредни ќе станат алгоритмите.

Извор: BIZLife