Шри Ланка воведува четиридневна работна недела за да штеди гориво

Шри Ланка ја прогласи средата за неработен ден за државната администрација за да заштеди гориво, бидејќи островската држава се соочува со потенцијален недостиг на нафта поради војната на САД и Израел со Иран.

Ова е најнова мерка во низата мерки за штедење што ги презедоа азиските земји откако беше блокиран Ормускиот Теснец, клучен пат за транспорт на милиони барели нафта од Заливот до регионот, пишува Би-би-си.

„Мора да се подготвиме за најлошото и да се надеваме на најдоброто“, изјави во понеделник претседателката Анура Кумара Дисанајаке на вонреден состанок на високи функционери.

Речиси 90 проценти од нафтата и гасот што минуваа низ теснецот минатата година беа наменети за Азија, која е најголемиот светски увозник на нафта од регионот.

Новата четиридневна работна недела во Шри Ланка ќе важи и за училиштата и универзитетите, но нема да влијае на јавните институции што обезбедуваат основни услуги, како што се здравствените и имиграциските услуги.

Службениците изјавија дека среда е избрана наместо петок, за да не бидат затворени владините установи три дена по ред.