ЕСМ на тендерот на Универзалниот снабдувач понуди пониска цена на струјата од лани

Државната енергетска компанија АД ЕСМ понудила 36,1 евро за мегават час електрична енергија на тендерот на ЕВН Хоум или Универзалниот снабдувач на граѓаните со струја. Оваа сума е за седум отсто пониска од онаа која лани ја прифати Универзалниот снабдувач кога цената беше 38,8 евра за мегават час. Според информациите до кои дојде Алсат, ЕСМ понудил 70 отсто од потребната струја на ЕВН Хоум за првите шест месеци, а за останатите шест понудата на државните електрани била да обезбеди 100 отсто. На тендерот биле пријавени две фирми од енергетскиот сектор.