КРИК утре ќе презентира апликација за олеснување на работата на младинските работници

Центарот за младински активизам КРИК утре, со почеток од 11 часот, во просториите на Млади Хаб во центарот на Скопје ќе ја промовира апликацијата BeCoral која што е изработена за олеснување на работата на младинските работници преку поддршка и инспирација за примена на различни практики.

Тричасовното дружење ќе опфати и инфо сесија за презентација и дискусија на истражувања и дигитална платформа наменета за младите, младински организации и младински работници на интернационално ниво.

Настанот е бесплатен и е отворен за сите лица кои доаѓаат од различни градови од земјава.

Апликацијата е подготвена како дел од проектните активности од проектот STREET APP 4 INCLUSION за инклузија во младинската работа, финансиран од Еразмус+ програмата, информираат од Центарот за младински активизам КРИК.

Извор: Мета.мк

Фото: Мета.мк