Не сакаат само 10% повисоки плати: Судската администрација најави штрајк

Нов протсет на вработените во судската администрација се одржа денеска, но за разлика од претходниот кој се одржа само пред Основниот кривичен суд во Скопје, беше поддржан од сите судови во земјава – од Битола и Тетово до Струга и Штип.

Тие најавија генерален штрајк од септември.

„Ние не се согласуваме со покачување на плата од 10 % што Владата и Сојузот на синдикати го договорија. Не се согласуваме ни со К-15 во висина од десет илјади денари, а револтирачки е што од нашите средства доделени од Судскиот совет, 15 % на плата, вчера министерот за финансии ги одби“, рече Јасмина Величкова, претседателка на Независниот синдикат на судската администрација.

Потпретседателката на Здружението на судска администрација, Рената Георгиевска, побара реформи во судската власт кои би требало да започнат од судската служба:

„Судската служба се собра и излезе на протест за да го искаже револтот за пониски плати, немаме додатоци и бараме самостојна судска власт. Реформите во судската власт треба да почнат од судската служба“, изјави Георгиевска.