- Advertisement -
НовостиПравда

Колку чини лекувањето од Ковид – 19 во Македонија?

Колку чини лекувањето - Работник
339views

Лекот „Фавира“ (Фавипиравир), кој помага при лекување на ковид-19 во раната фаза на болеста, веќе се наоѓа во малопродажба и во Македонија, објави Плусинфо.

Едно пакување од лекот „Фавира“ содржи 40 таблети и се продава по цена од 5.100 денари.

Лекот се издава само на лекарски рецепт.

Веледрогериите во Македонија претходната година заработиле блиску шест милиони евра

Деветте најголеми и најуспешни веледрогерии во земјава лани оствариле вкупен приход од 301,8 милиони евра додека добивката изнесувала 5,9 милиони евра, покажува анализата на „Бизнис мрежа.“, пренесува Лидер.мк

Зегин, Македонијалек и Феникс фарма се трите најголеми веледрогерии врз основа на остварените приходи во текот на минатата година, и тие со години наназад го држат истиот примат. Но, по однос на остварената добивка, листата се менува, па така, најголемата добивка лани ја има Македонија лек, по што следуваат веледрогеријата Д-р Пановски и Еуролек.

Сепак, на пазарот со лекови дефинитивно најголема компанија е Алкалоид, која покрај продажбата на лековите што ги произведува има и веледрогерија која е една од деветте најголеми и најуспешни.

На пазарот со лекови, компанијата АЛКАЛОИД убедливо е водечка компанија гледано низ призмата на финансиските показатели. Лани оваа компанија што е во групата „големи“ прикажува приход во износ од 141,1 милиони евра. Алкалоид, освен што е етаблиран на домашниот пазар, веќе е проширен и со пласман, но и со производство на регионалните пазари па дури и во САД. Во оваа компанија лани работеле 1 588 луѓе а фирмата на Живко Мукаетов, направила добивка од 16, 4 милиони евра.

Но, освен производство и продажба на сопствени лекови, тука е и нејзината фирма ќерка веледрогеријата АЛКАЛОИД КОНС, каде минатата година се направени приходи од 22,4 милиони евра и добивка од 482 илјади евра. Во веледрогеријата задолжена за соработка со странски компании и склучување на договори за застапништво на илјадници фармацевтски производи од светски ранг работат 40 луѓе. Таа е меѓу деветте веледрогерии што во земјава имаат најголеми приходи и добивки.