КСС учествуваше на регионалниот состанок на PERC за безбедност и здравје при работа

Фејсбук статус на Конфедерацијата на слободни синдикати на Македонија:

КСС зема активно учество на регионалниот состанок на PERC „Здравјето и безбедноста при работа како основно трудово право“ кој што се одржа во периодот 04.12.2024-05.12.2024 во Сараево, Босна и Херцеговина.

Темите за кои што се дискутираше на регионалниот состанок беа: БЗР како основно право на работа; Процесот на поставување стандарди на МОТ: Заштита од биолошки опасности во работната средина; Биолошки опасности: искуствата на национално ниво, позициите на Владите и придонесот на синдикатите во самиот процес; Стандарден процес на поставување во однос на платформската економија.

Помеѓу донесените заклучоци беше тоа дека потребно е оваа регионална мрежа да се инкорпорира во глобалната мрежа за БЗР, но и да се продолжи со работа за биолошките опасности на работа, притоа потенцирајќи дека безбедноста и здравјето при работа треба да биде фундаменален принцип. Како заклучок од состанокот беше и дека потребно е повеќе да се дисутира за стресот и психолошкиот ризик на работа како дел од безбедноста и здравјето при работа.

Секако се дискутираше и за Глобална агенда на синдикатите и приоритети за следните години.