Отпуштањата во „Meta“ почнуваат од денеска

Сопственикот на „Facebook“, „Meta Platforms“ планира да ги направи очекуваните отпуштања на целата компанија следната недела, додека продолжува активно да ангажира инженери за машинско учење, изјавија претставници на компанијата во интерните белешки разгледани од „Reuters“.

Известувањата ќе бидат испратени до вработените кои ќе останат без работа, а овој процес започна во 5 часот наутро по локално време во понеделник во повеќето земји, вклучително и САД, гласи една од објавите, чиј автор е шефот на човечки ресурси на „Meta“, Џенел Гејл.

Работниците во Германија, Франција, Италија и Холандија нема да бидат засегнати од отпуштањата „поради локалните регулативи“, додека оние во повеќе од десетина други земји во Европа, Азија и Африка ќе добијат известувања меѓу 11-ти и 18-ти февруари, се вели во соопштението.

Портпаролот на „Meta“ одби да коментира за ова прашање.

Минатиот месец, компанијата потврди дека планира да отпушти околу 5% од своите вработени со „најниски перформанси“ и да пополни барем некои од позициите.

За разлика од претходните отпуштања низ целата компанија, „Meta“ планира да ги задржи своите канцеларии отворени во понеделник и нема да објавува никакви ажурирања со дополнителни детали за одлуките, додаде Гејл.

Во посебна белешка објавена во петокот од страна на потпретседателот на инженерството за монетизација Пенг Фан, тој побара од вработените да помогнат во забрзувањето на процесот на вработување на инженери за машинско учење и други инженерски позиции „критични за бизнисот“.

Овој процес ќе се одвива помеѓу 11-ти февруари и 13-ти март, напиша тој.

„Ви благодариме за вашата континуирана поддршка додека ги постигнуваме нашите забрзани цели за вработување и подобро усогласување со приоритетите на нашата компанија за 2025-та година“, рече Фан.