ПравдаСветот на работникот

Петковски: Македонија како минско поле – секоја недела ни гине по еден работник

Милан Петковски - Работник
133views

Како минско поле се работните места во Македонија, тврди Милан Петковски од Македонското здружение за заштита при работа во емисијата Детектор. Непочитувањето на стандардите за заштита при работа, според податоците на ова здружение резултира со речиси еден загина на работно место секоја недела.

Нашите податоци од Македонското здружение за заштита при работа зборуваат дека работните места во Македонија се минско поле. Речиси еден неделно ни гине на работните места. Ние се обидовме барем да ги сортираме, да ги собереме сите десетина години, 11, во кои ја водиме оваа евиденција за смртни случаи и несреќи при работа да излеземе со конкретни податоци. Нашите податоци зборуваат дека 466 луѓе загинале во изминатите 11 години. Тоа е огромна бројка на луѓе, наспроти перцепцијата. И покрај големиот број на луѓе загинати на работни места луѓето се уште имаат перцепција дека работат во безбедна средина,  вели Петковски за Детектор.

Тој додава дека голем проблем е и тоа што голем дел од работниците воопшто и не знаат што значи безбедност и здравје при работа.