188views
Сечата на дрвја и загадувањето на изворите од кои зависи водоснабдувањето на околу 5,000 жители на струшкото село Октиси интензивно продолжува, стои во е – маилот кој доцна синоќа пристигна до нашата редакција, а истиот е испратен од страна на жителот на с. Октиси, Даниел Шикоски.
Тој наведува дека деновиве жителите на С. Октиси, поради фактите дека и покрај тоа што нашата држава како и целиот свет се соочуваме со здравствената криза предизвикана од коронавирусот и рестриктивни мерки во движењето на граѓаните, како и фактот дека целиот процес околу сечќата на шумата се наоѓа пред суд, а сепак истата интензивно продолжува, жителите на С. Октиси се подготвуваат масовно да излезат на протести доколку истата продолжи и понатаму.
Тој посочи дека лично е претставник на месната заедница на С. Октиси и тие како месна заедница почитувајќи ги мерките и препораките од владата, веќе ги предупредиле жителите дека во овој момент масовни собири не се дозволени, но нагласи дека мнозинство од жителите се многу револтирани од сето ова што се случува и се решени по секоја цена масовно да излезат на протести доколку не се стопира сечата на шумата.
Имено, ова не е првпат жителите на с. Октиси да се пожалат на овој проблем. Тие веќе долго време преку медиумите се обидуваат да допрат до властите.
Жители на селото, во април месец на ТВ АласатМ му испратија видео на кое се гледа сеча на дрвја за време на полициски час, односно кога имаше. забрана за движење од 85 часа.
Фото: АлсатМ
Бобан Илијевски
Advertisement
