Справување со токсични колеги: Водич за одржување на разумот
Дали некогаш сте работеле со некој што ве терал уште повеќе да ги мразите понеделничките утра? Големи се шансите одговорот да е потврден. Сите сме имале колега што некако успева професионалната средина да ја претвори во психолошко бојно поле без никакво предупредување.
Токсичните колеги доаѓаат во разни облици. Тука е оној што ви ја краде заслугата и секогаш некако се наоѓа во првиот ред кога се делат пофалбите. Озборувачот кој знае работи за сите и ги разгласува наоколу. Вечната жртва која за ништо не е виновна. Или мојот „омилен“ — пасивно-агресивниот мајстор чии што навреди проткаени низ комплименти би можеле да се сметаат за уметност.
Но, еве ја вистината: иако не можеме да го контролираме однесувањето на другите, можеме да контролираме како реагираме на него. А тоа прави огромна разлика.
Прво, поставете јасни граници. Кога токсичен колега почнува да ја истура својата негативност врз вас, сосема е во ред да кажете: „Морам да се фокусирам на овој проект во моментов“ или „Не ми е пријатно да разговарам за други членови од тимот.“ Поставувањето граници не е одраз на немање култура — тие се неопходни за вашето ментално здравје.
Белжете сè. Кога имате работа со некој што ги извртува фактите или си ги припишува вашите заслуги, белешките се ваша најдобра одбрана. Проследете ги усните разговори преку електронска во која ги имате сумирано дискусиите и споделувајте ги вашите достигнувања со вашиот менаџер, јасно наведувајќи ги вашите придонеси.
Избирајте ги битките мудро. Не секој иритирачки коментар заслужува одговор. Прашајте се: „Дали ова ќе биде важно за една недела? Еден месец? Една година?“ Ако не, можеби најдобра опција е да го пуштите. Зачувајте ја енергијата за интеракции што навистина влијаат врз вашата работа.
Изградете поддржувачка мрежа. Поврзете се со позитивни колеги што ве креваат наместо да ве влечат надолу. Имањето сојузници го прави справувањето со тешки луѓе многу полесно, плус ве потсетува дека не сите на вашето работно место се токсични луѓе.
Вежбајте емоционално одвојување. Запомнете дека токсичното однесување најчесто потекнува од несигурност, страв или незадоволство. Нивното однесување зборува повеќе за нив отколку за вас. Кога ќе престанете да ги сфаќате нивните постапки лично, тие ја губат моќта врз вашите емоции.
Ако ништо не помага, вклучете го менаџментот. Ако нечиј начин на однесување сериозно влијае врз вашата продуктивност или благосостојба, време е за професионален разговор со вашиот надреден. Фокусирајте се на конкретни однесувања и нивното влијание врз резултатите од работата, а не на личноста.
Понекогаш најдобро решение е да заминете. Ако сте пробале сè и ситуацијата останува неподнослива, размислете за преместување во друг оддел или побарајте можности на друго место. Животот е прекраток за да го поминете стравувајќи од работниот ден.
Запомнете дека иако не можете да ги контролирате другите, секогаш имате избор како ќе реагирате. Со одржување на професионалноста и заштита на вашите граници, можете да го зачувате вашето здравје дури и во најтоксичните работни средини.
