Азески: Владата да прогласи кризна состојба за да го зајакне секторот и да им помогне на компаниите

Компаниите бараат елиминирање на административните пречки за да инвестираат во фотоволтаици. Сметаат дека Владата може да го зајакне енергетскиот сектор со прогласување кризна состојба. Неизвесноста што ја наметна руско-украинскиот конфликт и непредвидливоста на ситуацијата, предупредуваат, може да доведе до нивно затворање и до отпуштања на вработените.
Како што беше кажано вчера пред средбата на претседателот на Стопанската комора, Бранко Азески, со претседателите и потпретседателите на регионалните комори при Комората, ако некои компании плаќале по 800.000 денари струја, сега плаќаат два милиона денари, додека има и такви чии сметки биле по 100.000 евра, а сега се 300.000 евра и застануваат со производството.
– Во овој момент капиталот и ликвидноста се најважни, мора да се носат паметни одлуки, зашто се работи за преживување. Државата треба да ја разгледа можноста до крајот на годината да не ги зголеми даноците и другите давачки кон компаниите. Мора да се задржи и извозот и во тој сегмент да се обезбедат директни стимулации, без никакви посредници и провизии. Сериозен заканувач е и инфлацијата – вели Азески.
Комората предупредува и дека допрва следува одливот на работна сила кон туристичките дестинации, што ќе биде дополнителен проблем за бизнисот и причина за ослабнување на нашиот пазар.
Капиталот, порачува Комората, е оној што во овој момент може да успее заедно со административните институции да ја надмине кризата.

Повеќе на Нова Македонија