Белата куќа бара од вработените да изнајмуваат електрични возила или да патуваат со воз

Американските федерални вработени треба да изнајмуваат електрични возила или да се одлучат за железнички патувања кога тоа е изводливо при владини патувања за значително намалување на емисиите на стакленички гасови, соопшти денеска Белата куќа.

Во 2022 година, вработените во американската влада потрошиле 2,8 милијарди долари на службени патувања, на повеќе од 2,8 милиони летови, 2,3 милиони изнајмени автомобили и 33.000 железнички патувања, објави Ројтерс.

Федералните патувања сочинуваат 1,8 отсто од федералните емисии на стакленички гасови, соопшти Белата куќа.

„Федералната влада ќе заштеди пари на даночните обврзници, ќе ги намали емисиите, ќе ја зајакне нашата растечка индустрија за електрични возила и ќе создаде добро платени работни места во синдикатот“, рече претседателката на Советот на Белата куќа за квалитет на животната средина, Бренда Мелрој.

Американскиот претседател Џозеф Бајден издаде извршна наредба во декември 2021 година за владата да престане да купува возила на бензин до 2035 година и рече дека сите федерални набавки на лесни патнички возила треба да бидат електрични или хибридни возила, пренесува Танјуг.