Во недостаток на свои СДСМ се фали со проектите на ВМРО-ДПМНЕ како ТИРЗ и странски инвестиции

Соопштение до јавноста – реакција на соопштението на СДСМ

Смешно и истовремено жално е кога СДСМ се фали со успесите и придобивките од ТИРЗ и  инвестициите во нив. ТИРЗ и СДИ во нив се едни од најдобрите економски политики на владата на ВМРО-ДПМНЕ, а СДСМ во недостаток на свои проекти се фали со туѓи.

Додека беше опозиција СДСМ ги напаѓаше ТИРЗ и странските инвестиции во нив, сега откако е власт, немајќи ништо свое се фали со туѓите проекти и мерки кои до вчера ги плукаше.

За жал овие 4 години стагнираат и ТИРЗ и бројот на странски инвестиции е намален. Доколку беше ВМРО-ДПМНЕ на власт бројката на инвестиции ќе беше далеку поголема.

Сега со СДСМ не само што немаме нови инвестиции, туку имаме и 60.000 нови невработени за една година, 5.600 фирми со клуч на врата, и јавен долг кој во изминативе 4 години го зголемија скоро двојно.

Време е поразите и неуспесите да станат минато. Време е за промени. Време е за Македонија за сите луѓе.