„Никогаш подобро не сум спиела“: Рецепт за безалкохолен коктел којшто опушта и поттикнува мирен сон
Дали сте знаеле дека во денешниот забрзан свет, дури една од три личности пати од несоница?
Стрес, премногу задачи кои секојдневно ги извршуваме и хронично чувство како да не сме стигнале да направиме сè, се само некои од причините зошто луѓето не можат да се опуштат.
ТикТок е бескрајно царство на идеи, трикови и совети за сечиј живот, па така таму најдовме еден рецепт за лесен и успешен сон.
Инфлуенсерката Кали Шеа секојдневно на таа социјална мрежа споделува корисни совети, а меѓу нив се нашол и рецептот за вкусен коктел којшто помага да заспиеме побрзо и поцврсто, а наутро да се разбудиме свежи и одморени.
Безалкохолниот коктел „Sleepy Girl“ воодушевил многу луѓе на ТикТок затоа што има прекрасен вкус и ве опушта.
Состојки:
– 1 вреќичка камилица;
– Природен сок од вишни;
– 1 лажица сируп од лаванда;
– 1 лажица свеж лимонов сок;
– 100 милилитри минерална вода;
– Неколку коцки мраз;
– Свежо нане;
– Кора од лимон.
Подготовка:
1. Потопете ја вреќичката од камилица во 200 милилитри вода, па почекајте неколку минути.
2. Помешајте го чајот, сирупот од лаванда, лимоновиот сок и сокот од вишни.
3. Чашата за коктел наполнете ја со мраз, па прелијте ја со минерална вода. Додадете нане и кора од еден лимон, па добро помешајте.
4. На крај во истата чаша додадете ги и помешаните претходни состојки, па сè добро измешајте.
„Никогаш подобро не сум спиела“, напишала познатата велнес инструкторка и ги повикала следбениците да си го направат овој напиток.
