Нова ветена европска земја: Нудат високи плати и бесплатно сместување – кој може да се пријави и под кои услови?
Лихтенштајн, малото, но мошне моќно кнежество сместено меѓу Швајцарија и Австрија, моментално нуди бројни работни места со исклучителни услови – плати и до 8.000 евра месечно, а во некои случаи и бесплатно сместување. Еве кој може да аплицира и под кои услови.
Оваа богата алпска држава е позната по високиот животен стандард, ниската стапка на криминал и мирниот начин на живеење. Посебно привлечен факт е што за многу работни позиции не е потребна факултетска диплома, туку се ценат практичните вештини, работното искуство и, по можност, познавање на германскиот јазик.
Кој може да аплицира?
Работните позиции се отворени за граѓани на Европската унија, вклучително и за државјани на земји како Романија. Пријавувањето се врши исклучиво преку EURES мрежата – официјалната платформа за вработување во рамките на ЕУ.
Колкави се платите?
Просечната бруто плата во Лихтенштајн изнесува околу 6.800 швајцарски франци (приближно 7.150 евра), но износите варираат во зависност од позицијата и искуството.
- Пониските позиции стартуваат од околу 2.500 франци (околу 2.630 евра),
- Менџерите и стручњаците во ИТ секторот или производството можат да заработуваат и над 10.000 франци месечно.
Примери на најплатени занимања:
- Генерален директор – околу 15.200 евра
- Директор на ИТ сектор – околу 13.000 евра
- Раководител на кол-центар – околу 12.900 евра
Примери на пониско платени позиции:
- Воспитувач во градинка – околу 2.000 евра
- Социјален работник – околу 2.300 евра
Кои работни места се нудат?
Лихтенштајн нуди разновидни позиции, меѓу кои:
- Пар за работа во домаќинство – постојан договор, социјални права и обезбедено сместување; потребно искуство и познавање на германски.
- Домаќинка (полн работен однос) – надпросечна плата, социјална заштита и задолжително искуство.
- Оператор на индустриски машини и печки – договор на определено време.
- Помошен персонал во домови за стари лица – можно сместување и надпросечна заработка.
- Фризер во луксузен салон – постојано вработување и конкурентна плата.
За поголемиот дел од позициите не е задолжителна факултетска диплома, но претходното искуство е клучно, особено во домаќинства, индустрија и услужни дејности. Познавањето на германски јазик значително ги зголемува шансите за добивање работа и напредување.
Поволни даноци и стабилна економија
Лихтенштајн е познат по својот стабилен и ефикасен даночен систем.
- Данокот на добивка изнесува само 12,5%,
- Данокот на додадена вредност (ДДВ) е 8,1%, што ја прави земјата исклучително атрактивна за работа и инвестирање.
Главните даноци што се применуваат се:
- Данок на личен доход,
- Данок на добивка на претпријатија,
- Данок на капитална добивка од недвижности,
- Данок на имот.
Некогаш познат како „даночен рај“, Лихтенштајн во последната деценија ги усогласи своите финансиски прописи со меѓународните стандарди за транспарентност, вклучувајќи и размена на податоци со Европската унија.
Извор: M.A./EUpravo zato
