Што е Економско – социјален совет?

Заради утврдување и остварување на усогласени дејности со цел за заштита и промоција на економските и социјалните права, односно интереси на работниците и работодавачите, водење на усогласена економска, развојна и социјална политика, поттикнување на социјален дијалог и склучување и примена на колективни договори и нивно усогласување со мерките на економската, социјалната и развојната политика, се основа Економско- социјален совет.

Дејноста на Економско-социјалниот совет се темели на потребата за тристрана соработка меѓу Владата на Република Македонија, синдикатите и здруженијата на работодавачите, во решавањето на економските и социјалните прашања и проблеми.

Со спогодбата за основање на Економско-социјалниот совет се определува неговиот состав, при чиешто утврдување, мора да се води сметка за соодветна застапеност на социјалните партнери. Сите овие прашања, како и прашањето во поглед на неговата дејност се уредени со Законот за работни односи.