Штрајк предизвика проблеми на аеродромите низ Италија

Штрајкот поради платите и условите за работа на вработените на италијанската компанија за контрола на летање „Енав“ предизвика големи нарушувања на аеродромите низ Италија.

Италијанската државна компанија „ИТА Ервејс“ откажа над 200 летови, најголем дел на домашни линии. Други превозници исто така откажаа дел од нивните летови.

Синдикати за контрола на летање повикаа на прекин во работењето, а се очекува тоа најмногу да ги погоди аеродромите во Рим, Милано и во Венеција.

Се бара промена на работното време и распоредот од „Енав“, компанија делумно во државна сопственост.

Последниот штрајк во „Енав“ беше на 17 јули, кога за време на летните годишни одмори беа откажани голем број летови, оставајќи ги патниците да чекаат на аеродромите.