Каде е најевтино да се отвори фирма? Регионот го руши Западот

Започнувањето сопствен бизнис во Европа значително се разликува од држава до држава, покажуваат податоците од меѓународна анализа на трошоците за основање фирми.

Најповолни услови има Словенија, каде што административно е можно да се регистрира деловен субјект без трошоци, со задолжителен минимален основен капитал од 7.500 евра.

Хрватска, според истите податоци, се наоѓа меѓу земјите со многу ниски трошоци за започнување бизнис. Административниот трошок за основање фирма изнесува 25,4 евра, што ја вбројува Хрватска меѓу најповолните земји во Европа кога станува збор за влез во претприемништво, според податоците на страницата Business Financing.

Ниските трошоци за регистрација во последните години се следени и со раст на бројот на деловни субјекти. Според најновите достапни податоци за крајот на 2025 година, во Хрватска работат околу 176.000 активни трговски друштва и повеќе од 120.000 занаетчиски дејности, па вкупниот број на деловни субјекти надминува 295.000. Растот е особено изразен во туризмот, градежништвото, услужните дејности и ИТ секторот.

Босна и Херцеговина се наоѓа во значително понеповолна позиција во однос на Хрватска. Трошокот за започнување бизнис изнесува 770 евра, што е еден од повисоките износи во регионот. Административната сложеност и различните регулативи меѓу ентитетите често дополнително го отежнуваат започнувањето бизнис, иако пониските трошоци за работна сила сè уште привлекуваат дел од претприемачите.

Разликите меѓу европските држави се големи

Во Србија трошокот за започнување бизнис изнесува околу 104 евра, во Црна Гора околу 100, додека во Македонија 198 евра. Романија бележи трошок од околу 38 евра, а Унгарија околу 350 евра. Во западниот дел на Европа трошоците се значително повисоки. Италија е меѓу најскапите земји, каде што започнувањето бизнис чини околу 4.520 евра. Австрија бележи трошок од 2.300 евра, Швајцарија 1.300 евра, додека во Холандија основањето фирма чини речиси 2.000 евра, пишува kamatica.

Податоците покажуваат дека земјите од југоисточна и источна Европа вообичаено нудат поповолни административни услови за започнување бизнис, додека западноевропските држави имаат значително повисоки почетни трошоци.

Извор: Bizportal.rs