Мицкоски најави ново намалување на цените на горивата следната недела

Премиерот Христијан Мицкоски следната недела очекува намалување на цените на горивата, посочувајќи дека акцизите се анализираат на секои две недели и дека во понеделник ќе биде направен просекот за втората половина од месецот, по што ќе се утврдат новите цени на нафтените деривати.

„Добро е што веќе два дена по ред цената на нафтата паѓа. Денеска се стабилизира некаде меѓу 85 и 86 долари за барел, па очекувам следната недела да има поголемо намалување на цените на дизелот и бензините“, изјави Мицкоски.

Мицкоски нагласи дека нафтата е берзански производ што сите држави го набавуваат под исти услови, но Македонија и покрај поскапувањата има најниски цени на дизелот и безоловниот бензин во регионот и во Европа.