Од 1 декември построги услови за кредити: Потешко до втор стан во Македонија

Од 1 декември годинава граѓаните ќе се соочат со построги услови за задолжување во банките. Народната банка ги намалува максималните лимити за кредитна задолженост и го скратува рокот за отплата на станбените и хипотекарните потрошувачки кредити. Исклучок се граѓаните кои за првпат купуваат сопствено живеалиште, за кои се задржуваат поповолните услови.

Новите правила, кои централната банка ги објави на 2 октомври, предвидуваат максималниот однос меѓу вкупните месечни кредитни обврски и приходите на кредитокорисникот да се намали за пет процентни поени. Кај кредитите во денари лимитот се намалува од 50 на 45 проценти, додека кај кредитите со валутна компонента од досегашните 45 на 40 проценти.

Практично, граѓанин со месечни примања од 60.000 денари, кој досега можел да има вкупни месечни кредитни обврски до 30.000 денари според општиот лимит за денарски кредити, од декември ќе биде ограничен на 27.000 денари.

Повеќе прочитајте тука