Овој петок е неработен, но само за одредени граѓани

Граѓаните во наредниот период ги очекуваат два неработни дена по повод значајни празници.

Првиот е во петок, 28 август, кога православните верници го одбележуваат Успението на Пресвета Богородица, во народот познато како Голема Богородица. Станува збор за еден од големите христијански празници посветени на Мајката Божја, а овој ден ќе биде неработен само за православните верници.

Следниот неработен ден е 8 септември, вторник, кога се празнува Денот на независноста на Република Северна Македонија.

Така, по неработниот 28 август, граѓаните повторно ќе имаат слободен ден на 8 септември, што ќе биде можност за одмор и одбележување на двата значајни празници.