СПМ: УСПЕШНО РЕАЛИЗИРАН СИНДИКАЛНИОТ ПОЛИЦИСКИ ТУРНИР ВО ТАБЛА ВО ПРИЛЕП!
Фејсбук статус на Синдикатот на полиција во Македонија:
УСПЕШНО РЕАЛИЗИРАН СИНДИКАЛНИОТ ПОЛИЦИСКИ ТУРНИР ВО ТАБЛА ВО ПРИЛЕП!
Синдикалната организација на СПМ – Прилеп успешно го реализираше Синдикалниот полициски турнир во играње табла, настан посветен на дружењето, рекреацијата и зајакнувањето на синдикалното единство меѓу полициските службеници.
Настанот се одржа во пријатна атмосфера во кафулето „My Place“ во Прилеп, каде што учесниците имаа можност да ги покажат своите вештини, да се натпреваруваат во фер и спортски дух и, пред сè, да поминат квалитетно време заедно.
Најуспешните учесници беа наградени за освоените први три места, а вистинскиот победник на турнирот беше заедничкото дружење, пријателството и позитивната енергија.
I место Сашо Ачкоски,
II место Горан Ченто,
III место Гоце Петров.
СПМ продолжува да докажува дека синдикалното делување не подразбира само борба за работничките права, подобри плати и достоинство на полициската професија, туку и создавање можности за рекреација, меѓусебно поврзување и градење силна и сплотена заедница.
Упатуваме благодарност до сите учесници за покажаниот интерес и спортскиот дух, како и до сите што придонесоа за успешната реализација на овој настан.
Продолжуваме со активности што нè обединуваат, нè мотивираат и ја зајакнуваат нашата заедничка сила!
СПМ – Сила, Правда, Морал!
ЗАЕДНО СМЕ ПОСИЛНИ!
СИНДИКАТ НА ПОЛИЦИЈА ВО МАКЕДОНИЈА – СПМ
