Во 10 отсто од германските домаќинства, жени заработуваат повеќе од мажите

Во само 10,3 отсто од германските домаќинства жените заработуваат повеќе од нивните партнери, покажуваат официјалните податоци на Сојузниот завод за статистика „Дестатис“, цитиран од ДПА и БТА.

Во 56,6 отсто од хетеросексуалните врски мажот е главен извор на приход во домаќинството, додека во 33,1 отсто од домаќинствата и двајцата партнери имаат слично високи приходи. „Дестатис“ го дефинира главниот извор на приход за домаќинството како личноста што придонесува со 60 или повеќе проценти од вкупниот нето личен доход на соодветното домаќинство. Една од причините за оваа нерамнотежа е тоа што жените повеќе од мажите работат со скратено работно време, известува заводот за статистика. Разликата е помалку изразена, но сепак јасна кај паровите кои немаат деца.

Во овие случаи мажите се главни извори на приходи во 51,1 отсто од домаќинствата, додека во 11,8 отсто од домаќинствата жените се главен извор на приход. Распределбата на приходите на домаќинствата меѓу половите речиси и да не постои, покажуваат податоците на Заводот за статистика. Уделот на жени кои заработуваат повеќе од партнерот останува сличен на нивото од 2021 година, кога изнесуваше 10,5 отсто. Во истиот период, сепак, учеството на мажите кои заработуваат повеќе од нивната партнерка е малку намален во споредба со пријавените во 2021 година 58,8 отсто, информира „24Часа.бг“.