Загина рудар во прилепскиот рудник

Несреќа со трагична последица се случила вчера околу 11:15 часот во рудник во Прилеп.

Од МВР информираат дека Д.З.(67) од Прилеп, кој управувал товарно возило „сканија 113“, со велешки регистарски ознаки, при извршување работни задачи во рудникот паднал од камионот.

Тој бил пренесен во Општата болница Прилеп каде од лекар била констатирана смрт.

По наредба на Јавен обвинител, телото на починатиот било дадено на обдукција.