САДУ потпиша колективни договори за етапно зголемување на платите
Фејсбук статус на Синдикатот на администрација, државна управа и правосудство:
САДУ – Синдикатот на администрација, државна управа и правосудство на Македонија и синдикалните организации, потпишавме нови колективни договори во повеќе институции. Овие колективни договори се уште една потврда дека социјалниот дијалог дава резултати и дека заеднички можеме да обезбедиме подобри услови за работа и достоинствено вреднување на трудот.
Со колективните договори се обезбедува етапно зголемување на платите, кое ќе се реализира во следниот период:
7% зголемување од 1 март 2026 година
дополнителни 7% од 1 март 2027 година
дополнителни 7% од 1 март 2028 година
Овие договори не значат само повисоки плати – тие значат поголема сигурност, јасно уредени права и подобрени услови за работа за сите вработени.
Преку овие договори се зајакнува довербата меѓу институциите и вработените, се унапредува работниот статус и се создава мотивирачка работна средина во која трудот се почитува и вреднува.
Институции во кои се потпишаа колективни договори:
Министерство за економија и труд
Министерство за надворешни работи
Дирекцијата за технолошки, индустриски и развојни зони
Комисија за заштита од конкуренција
Државна комисија за жалби по јавни набавки
Заедно продолжуваме да градиме стабилен систем, со мотивирани вработени и институции кои работат во интерес на граѓаните.
